[專欄]如果 HMD 推出自家品牌電話

作者: 醉愛諾基亞

Nokia 給你們的印象?

對於小編,Nokia 俾我既印象就係「科技以人為本」,或者呢一句大家都估到小編都有返咁上下年紀,就係我哋呢一輩既人對 Nokia 既印象,咁時下既年青人又對 Nokia 既印象呢?小編的一些廿歲岀頭既朋友同小編講,老人機、擋子彈唔啱佢哋呢一輩,但無可否認,Nokia 造工係好既,不過唔潮囉,呢個就係時下年青人對 Nokia 既印象。

 

其實而家仲用緊 Nokia 的朋友都知其實係 hmd. 用左 Nokia 呢個品牌,亦知道 hmd. 係由一班 Nokia 既前員工所創立既一間公司,即係呢班人係流住 Nokia 既血。咁我就係度諗啦,如果 hmd. 用返佢自已既品牌岀電話會點呢?大家又會唔會買呢?

可能我哋呢一輩未必會買住 (因為無左 Nokia 個 logo),但係小編覺得後生既一輩會喎,因為佢哋鍾意嘗試,鍾意有新鮮感 (你哋一定會問小編點解會咁覺得)。大家可以諗諗時下年青人既諗法,再係宣傳上下少少功夫。

首先要俾大眾好清晰知道 hmd. 係一間咩公司、點樣成立 (其實咪就係我一開始提及既),咁樣就可以給予大眾信心,其次就係可以俾人有種破舊立新既感覺,因為始終係一個新品牌,代表住 hmd. 有決心將 Nokia 舊陣時唔好既地方改革變得更好。況且就算岀到嚟既機未必一部到位,大眾肯定會給 hmd. 更多時間改進 (相比起用 Nokia 呢個品牌,因為始終用得呢個品牌,大眾肯定會有一定既標準),唔知大家認唔認同呢?大家留言俾我丫!

最後小編想同 hmd. 既高層講,用得 Nokia 呢個品牌,大眾都會對你們有期望,始終 Nokia 太深入民心。應該咁講,而家 hmd. 岀既機係達標準 (如果係用 hmd. 既名字岀機,但可能售價未必可以同用 Nokia 既品牌相比),但係用得 Nokia 既品牌,大眾就會覺得你們會帶一啲新既野入去。呢個那怕只有少少新元素,要令人有一種驚喜既感覺,就以新發佈既手機為例,就是沒有之前發佈的 Nokia 7 Plus 咁既驚喜,所以就算價格在標準範圍內,仍給予大眾略貴既感覺。

 

總結

有句話係:成也 Nokia,敗也 Nokia,其實小編覺得而架 Nokia 既電話唔賣得既原因好大程度,都係因為 Nokia 呢個品牌:

  1. 因為用得呢個品牌大多數係小編呢一輩,對呢個品牌一定有要求
  2. 年輕一輩會覺得老餅先用,一定要洗去呢種感覺先得,小編知道唔係一朝一夕
  3. 請不要付標準價錢,就給標準技術,應該要加少少新元素入去

 

後序及感想

首先要多謝 Man Hung 俾一個機會係度亂咁寫都唔介意,但都要講下,寫呢篇文章既起源,話說有日同 Man Hung 傾緊偈既時候,小編忽然同佢講如果 hmd.唔用 Nokia 個名,用返 hmd. 會唔會更好?咁我哋就傾左好耐,然後 Man Hung 話可以寫篇文章,於是小編就寫左啦!

希望大家多多支持,記得留言俾我,如果想小編繼續寫的話。

 

(本文標題由 Man 所擬,專欄文章不代表 ManHungTech 立場)

對「[專欄]如果 HMD 推出自家品牌電話」的一則回應

Add yours

  1. I will buy. CP rate very high as i am using 6.1 plus as second device and 1 of my family (old) member using 5.3. both feel very ok on this. I like the simple OS which don’t have many pre-load app on it.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

Create a website or blog at WordPress.com

向上 ↑

%d 位部落客按了讚: