[專欄]HMD Global 推出自家品牌電話，太遲了

作者: 醉愛諾基亞

大家好，冇錯又係我醉愛諾基亞。早幾日聽到個消息話，hmd 要岀自家品牌手機，其實呢番話我一早講過佢應要咁做，有興趣可以睇返之前既文章。

係呢度我就唔再講，不過而架就太遲，點解我話太遲呢，其實 hmd 呢個決定，同當年 Nokia 有啲相似，唔知大家有冇察覺到，就係一直消費 Nokia 呢個品牌，消費到真係知道自己無得再咁做，先去諗之後打算。

 

如果 hmd 高層有遠見，就應該一早為自己舖定後路，到真係再用唔到先嚟改策略，真心想問下佢哋，點解咁後知後覺。

好啦，感慨嘅說話就講到呢到，我又直接講啦，應該有好多人會話我，而家 hmd 同 Nokia 係掛勾咗㗎嘛，如果佢哋出 hmd 牌子手機，啲人就會話即係同 Nokia 電話冇分別囉。不過，係大眾嘅眼中，唔係 Nokia 就唔係 Nokia。

其實當初佢哋應該係用兩條 line 去出產品，貴價機一條，平價機一條。貴價機就用 Nokia，平價機就應該用 hmd 嘅名，等大眾喺嗰段時間開始接受 hmd 呢個品牌，而唔係就快冇咗 Nokia 品牌嘅時候先用 hmd 嘅名出手機。其實呢樣嘢唔係應該一早預備好嘅咩？點解會咁冇遠見嘅能力呀？係咪顯得呢間公司唔可靠，畀人哋嘅感覺冇責任感呢? 咁樣仲會唔會有人願意花錢去買你哋啲手機呢？

 

(本文標題由 Man 所擬，專欄文章不代表 ManHungTech 立場)