作者: 醉愛諾基亞
大家好，係啊！無錯又係我醉愛諾基亞，今日小編就同大家講下部 Nokia XR20，大家一定對住呢部機負評多多，S480 CPU，6GB RAM，128GB ROM 憑咩賣咁貴？$4198喎搶錢咩？大家都應該係咁諗？對嗎？但係小編今次覺得部機值呢個價，你一定覺得小編係咪傻架？
首先部機係三防機，先講下 Nokia XR20 部機屏幕既玻璃佢今次係用左 Gorilla Glass Victus，係暫時手機上用到既玻璃上硬度最高，而且可以係1.8米高跌落地都無問題，咁即係話正常咁使用，應該無問題，唔使擔心跌壞。（係呢樣野上我相信 HMD Global 係 QC 方便落左好功夫，如果唔係都會夠膽咁樣寫。）
之後就係防水，呢個防水程度，基本上日常生活，甚至你唔小心跌左陪到電話落公園既水池都應該係無事既。大家應該係咁覺得是嗎？
第三我想講部機既設計，即係咁講如果係一部普通既手機，你一定會覺得無咩特別，之不過佢係一部三防機喎，三防機從來比我既感覺就係無美感最緊要實淨，又重身。但係今次部機係三防，但係就無左三防機既味道（大家覺唔覺先），好，你哋又一定講都唔係輕身喎？咁樣喎，佢都係比 iPhone 重少少咋喎（iPhone Pro Max 都238克啦），Nokia XR20都係多10克咋，如果咁都話好重，咁我諗iPhone你哋都係唔好用啦。
感想：
其實今次點解我話值呢個價錢係值，Nokia XR20 無論係設計，定係 QC 都係用足心機，雖然規格上可能會有好多人覺得唔係好值，但我好相信如果俾返旗艦級既規格，就好有可能賣到去三星既價位，到時候一定好更多人講如果俾呢個錢我買三星好過，仲記得小編講過嗎？部機要有賣點，今次 Nokia 果然無令小編失望，其實當大家可能無諗過，一部三防手機要面世，一間公司係要投放好多資源係部機身上，要投放既錢真係比起將所有最好既硬件放係一部機上面仲要多，由其係做跌落測試，真係要用好多部機佢夠膽寫得岀係高之下落地都無問題，因為唔係寫就得，係要有誠信，一間公司既誠信就是會唔會再有客人支持既重點，所以小編先覺得今次 Nokia XR20係值得俾$4198。
(本文標題由 Man 所擬，專欄文章不代表 ManHungTech 立場)
延伸閱讀:
ManHungTech 
發表迴響